22 мам, 2020 сағат 11:28

2020-2021 оқу жылына арналған мемлекеттік білім беру тапсырысы жарияланды

 

ҚР Білім және ғылым министрлігі 2020-2021 оқу жылына арналған мемлекеттік білім беру тапсырысын бекітті, деп хабарлайды "Ұлт ақпарат".

Министр бұйрығына сәйкес, 2020-2021 оқу жылына арналған мамандықтар бөлінісінде жоғары және жоғары оқу орнынан кейінгі білімі бар кадрларды, магистрлерді және PhD докторларын даярлауға арналған мемлекеттік білім беру тапсырысы бөлінді. 

Құжатқа сәйкес, биыл жоғары білімі бар кадрларды (бакалавр) даярлауға - 53 864 грант бөлініп отыр. Ғылыми-педагогикалық магистратура бағытына - 12 915, бейінді магистратураға - 710 және PhD докторларын даярлауға - жалпы 2 355 тапсырыс бөлінген. 

Барлық мамандықтар бойынша мемлекеттік тапсырыс тізімін бұйрық қосымшаларынан қарауға болады.