Алматы тауларында аю, қар барысы, түлкі секілді жабайы жануарлар видеоға түсіп қалды, деп хабарлайды "Ұлт ақпарат".
Жабайы аңдар туралы видео Қазақстанда қар барысы мен оның популяциясын сақтау жөніндегі Snow Leopard Foundation қорының Instagram парақшасында жариялданды.
«Тауда біз жоқ кезде не болатынын көргіңіз келе ме? Бір камера - бірнеше жануар. Жақында ғана біз фототұзағымызды тексеруге барғанда таңғажайып видеоларға куә болдық. Алматылықтар карантиннің бітуін күтіп жатқанда қалаға аюлар оралыпты! Сонымен қатар, біздің камера ұрғашы барыс пен оның баласын, түлкіні және Алатау тауларының басқа да жануарларын түсіріп алған. Видеодан ләззат алыңыз», - деп жазады қордың ресми парақшасы.
1432 рет оқылды
