#
#
Cәрсенбі 27/05/2020

БҒМ қашықтан оқыту турасында: Педагогтерге шығармашылық еркіндік беріледі

  • 06.04.2020
  • 0
  • 143

Мұғалімдерді, ата-аналарды немесе оқушыларды мәжбүрлеуге болмайды. Бұл туралы бүгін онлайн брифингіде ҚР Білім және ғылым вице-министрі Шолпан Каринова мәлім етті, деп хабарлайды "Ұлт ақпарат".

«Білім және ғылым министрлігі мониторинг жүргізіп отыр екен деп, барлық мұғалімдерді, ата-аналарды немесе оқушыларды күштеп, платформаларға қосылыңдар деп мәжбүрлеуге болмайды. Біз тек қазіргі уақытта төртінші тоқсан қашықтан оқыту форматында қалай басталғанын байқап отырмыз. Осы орайда бұл процеске мұғалімдер мен оқушылар қаншалықты кірісе алғанын қарап шықтық. Жалпы, жақсы үрдісті байқадық, 3 миллионнан астам оқушы бар болса, соның 1 миллионға жуығы пайдаланып жатыр», - деді вице-министр. 

Осы орайда ол қашықтан оқыту кезінде туындаған кемшіліктер зерделеніп отыратынын атап өтті.

«Мектептерде қатып қалған сабақ кестесі жоқ. Осы орайда әр мектепте мұғалімдер өздеріне ыңғайлы сабақ кестесімен жұмыс істейді, педагогтерге шығармашылық еркіндік беріледі», - деді Ш. Каринова. 

Сонымен қатар вице-министр қашықтан оқыту кезінде бүгін таңертең бастауыш сынып оқушылары білім беру жүйелерін белсенді пайдаланғанын айтты. 

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар