Елордада тағы да коронавирус жұқтыру жағдайы тіркелді, деп хабарлайды "Ұлт ақпарат" coronavirus2020.kz ресурсына сілтеме жасап.
Тауарлар мен қызметтердің сапасы мен қауіпсіздігін бақылау комитеті таратқан ақпаратқа сәйкес, 24 наурыз, сағат 08:10-дағы жағдай бойынша елімізде коронавирус жұқтырғандар саны 64-ке жетті.
Нұр-Сұлтанда – 34, Алматыда – 26, Қарағандыда – 2, Алматы облысында - 1 және Ақтөбе қаласында 1 жағдай тіркелді.
Айта кетейік, Елімізде коронавирусқа қатысты 13 наурыз күні төтенше жағдай режимі енгізілді. Оған сәйкес театрлар, кинотеатрлар, сауда ойын-сауық орталықтарының жұмысы тоқтаған болатын.
Кеше, 23 наурыз күні өңірлерде аумағы 2 мың шаршы метрден кем емес ірі сауда ойын-сауық орталықтары сағат 10:00-ден 18:00-ге дейін жұмыс істеуге рұқсат беріледі.
Олардың ішіндегі азық-түлік дүкендері мен дәріханалар жұмысын әдеттегі режим бойынша жалғастырады. Аулалардағы дүкендер де жұмысын тоқтатпайды.
Азық-түлік емес базарлар сағат 11:00-ден 17:00-ге дейін жұмыс істейді. Санитарлық шаралар күшейтіледі.
Өзгеріс карантин жарияланған астана мен Алматы қалаларынан басқа аумақта қолданылады. Алайда әкім мен бас санитар дәрігердің шешімімен қосымша шектеу енгізілуі мүмкін.
914 рет оқылды
