27 мам, 2020 сағат 16:55

Ұлттық қауіпсіздік комитеті екі қылмыстық топтың жолын кесті

ҚР Ұлттық қауіпсіздік комитеті Алматы қаласы мен Алматы облысында ҚР ІІМ-мен бірлесіп жүргізген арнайы операция нәтижесінде бір-біріне қарсы екі ұйымдасқан қылмыстық топтың жолын кесті, деп хабарлайды аталған ведомствоның баспасөз қызметі.

Қылмыстық топ мүшелерінің бірқатар ауыр және аса ауыр қылмыстарға қатысы бар. Қылмыстық әрекеттер атыс қаруын қолдана отырып, аса өктемдікпен жасалған.

Екі ҰҚТ-ның белсенді мүшелерінің жалпы саны 30 адамға жеткен. Олардың арасында бұрын сотталған адамдар бар, кейбіреулері «ұрылар» идеологиясын ұстанып, трансұлттық қылмыстық қоғамдастықтардың жетекшілерімен байланыста болған.

Фигуранттардың тұрғылықты жерлері бойынша тінту барысында 11 бірлік әртүрлі қару түрлері, 200-ден артық оқ-дәрі алынды.

Ұсталғандар уақытша ұстау изоляторларына қамалды, бұлтартпау шарасын таңдау туралы мәселе шешілуде.