13 сәу, 2024 сағат 23:02

Атырау қаласында бірнеше күн ішінде 100 шақырымнан астам қорғаныс бөгеттері салынды


Облыс орталығында Жайық өзеніндегі су деңгейінің көтерілуіне және Ириклин су қоймасынан су ағынының ұлғаюына байланысты жағалауды нығайту жұмыстары қарқынды жүргізіліп жатыр деп хабарлайды Атыраудың жедел штабы телеграм каналы.

Соңғы алты күнде (13 сәуір күні таңертеңгі мәлімет бойынша) жоспарланған 215,1 шақырымның 101,2 шақырымына жағалауды нығайту бөгеттері салынды. Айта кету керек, бастапқыда картографиялық деректер бойынша ұзындығы 105 шақырым бөгет құрылысы жоспарланған.