Фото: Polisia.kz
Ақмола облысының полицейлері Бурабай ұлттық табиғи паркінің аумағында заңсыз балық аулаған браконьерлерді ұстады, деп хабарлайды Ult.kz.
7 маусым күні түнгі рейд жүргізілген. Жүкей көлі маңында «ГАЗель» және «Аudi 80» көліктері тоқтатылып, жүк көлігінен резеңке қайықтар мен тор тәркіленді.
Көлікте болған азаматтар Қарағанды, Түркістан облыстары мен Шымкент қаласынан келгені анықталды. Заңсыз ауланған 178 келі тұқы сол жерде анықталып, тәркіленді.
Осы дерек бойынша ҚК 335-бабы бойынша іс қозғалып, тергеу амалдары жүргізілуде.
521 рет оқылды
