13 қыр, 2021 сағат 18:30

Қазақстан ерлер құрамасы нысана көздеуден Азия чемпионы атанды


Қазақстан ерлер құрамасы нысана көздеуден Азия чемпионы атанды, деп хабарлайды "Ұлт ақпарат" Olympic.kz-ке сілтеме жасап.

Бұл күндері Шымкентте нысана көздеуден Азия чемпионаты өтіп жатыр.

Бүгін, 13 қыркүйекте пневматикалық қару бойынша командалық сын өз мәресіне жетті.

Нәтижесінде құрамында Эльдар Иманқұлов, Исаченко Владимир және Рахимжан Валерий бар Қазақстан пневматикалық тапаншада 10 м жаттығуы бойынша үздік атанды.

Екінші орынға Сауд Арабиясы жайғасса, Қырғызстан құрамасы үшінші орынға иелік етті.