30 мау, 2022 сағат 14:04

Маңғыстау облысы әкімі ауыл тұрғындарының наразылығы туралы ойын айтты

Маңғыстау облысының әкімі Нұрлан Ноғаев Қарақиян ауданында жолды жауып тастаған наразылық білдірушілерге қатысты пікір білдірді, - деп хабарлайды Tengrinews.kz.

Орталық коммуникациялар қызметінде өткен брифингте журналистер сұрағына жауап берген Ноғаев мұнай-газ секторындағы жұмыспен қамтуда басты назар жақын маңдағы аудандар мен елді мекендердің тұрғындарына аударылатынына сендірді.

"Кешегі оқиғаның басты себебі - мұнай өндіруші ұйымға тікелей жұмысқа орналасу сұранысы. Бұлай істеу мүмкін емес, мұнай өндіруші компанияларға жұмысқа орналастырудың белгілі бір алгоритмі бар және бұл алгоритм қатаң сақталады", - деді Ноғаев.

Дегенмен, әкім бұл алгоритм бойынша шағымдар бар екенін мойындады. Ол электрон форматқа көшу жағдайды түзетуге септігін тигізеді деп сендірді.

"Оқиға неге кеше болды. "МаңғыстауМұнайГаз" 102 адамды жұмысқа орналастыру мүмкіндігін тапты. Оның ішінде 40 орын жұмыс беруші, әкімдіктер және кәсіподақтар арасындағы келісім бойынша бұрын осы компанияда жұмыс істеген жұмысшыларға немесе басқа санаттар бойынша бөлінген. Қарақия өңірі тұрғындарының талабы – 62 бос жұмыс орнының барлығы оларға алгоритмсіз тікелей берілуі керек", - деп түсіндірді Ноғаев.

Әкім тұрғындар тек мұнай-газ саласында ғана жұмысқа орналасуды талап ететініне тоқталып, өңірде бос жұмыс орындары жеткілікті екенін жеткізді.

"Маңғыстау облысына жұмыс істеу үшін 20 мың шетелдік жұмысшы келді (2021 жылы - еск.). Бұл - негізінен, құрылыс индустриясы, ауыл шаруашылығы, тау-кен өнеркәсібі. Олар сапалы жұмыс істейді, өкінішке қарай, тіпті жеке саудагерлер де өздері жасай алатын жұмыстардың көбісі еңбек мигранттарын тартады. Жұмыспен қамтудың өңірлік бағдарламасы бар, республикалық бағдарламалар бар, жұмыс орындары ашылып жатыр", - деді Нұрлан Ноғаев.