05 сәу, 2022 сағат 09:33

Мейрамбек Бесбаев танымал боксшы Майк Тайсонмен сөйлесті


Әнші Мейрамбек Бесбаев Instagram-дағы парақшасында боксшы Майк Тайсонмен сөйлескен видеосын жариялады, - деп хабарлайды Tengrinews.kz.

"Білектің күшімен бүкіл әлемді таңғалдырған аңыз адам Майк Тайсонмен телефонмен сөйлесу сәті түсті. Жүрегі жұмсақ, жаны таза жігіт екен", - деп жазды әнші.

Бесбаев Тайсон да кептер ұстайтынын жазып, "Біздің кептершілер одағының мүшесі десең" деп әзілдеді.

"Бас аман, бауыр бүтін болып, жақсы күндерде жолығайық. Оразаларыңыз қабыл болсын", - деп аяқтады әнші жазбасын.

Еске салайық, Майк Тайсон - ауыр салмақта өнер көрсеткен америкалық кәсіпқой боксшы, тарихтағы ең танымал боксшылардың бірі.