24 там, 2018 сағат 13:37

Жыл соңына дейін барлық мектептер жоғары жылдамдықты интернетпен қамтылады

Ақтөбе облысы әкімі өңірдегі «Цифрлық Қазақстан» мемлекеттік бағдарламасының жүзеге асырылуы бойынша жиын өткізді. 

Өңірде цифрландыру аясында әлеуметтік инфрақұрылымды интернетпен қамту және компьютерлендіру бойынша ауқымды жұмыстар жалғасуда. Білім беру мен денсаулық сақтау салаларына ерекше көңіл бөлінеді. Бүгінгі таңда қабылданған шаралардың арқасында облыстың барлық 398 жалпы білім беретін мектептері Интернет желісіне қол жеткізе алды, - деп мәлімдеді ақпараттандыру және сыртқы байланыс басқармасының басшысы Ермек Кенжеханұлы.

«Қазақтелеком» АҚ-мен жасалған келісімнің арқасында» облыстың 242 мектебінде интернет жылдамдығы 4 Мбит-ке дейін және одан да жоғары тегін көтерілді. Үнемделген қаражат спутниктік байланыс арқылы  қашықтағы 92 мектепті қосымша қосу үшін қайта бағытталады. Осылайша, жыл аяғына дейін біздің облыстың барлық мектептеріне жоғары жылдамдықты интернет ұсынылатын болады, - деді Е.Кенжеханұлы.

Биылғы жылы мектептер үшін 1700 компьютер мен мультимедиялық жабдық сатып алуға 588 млн. теңге бөлінді. Тағы 48 миллион теңге қызмет көрсету әдісімен компьютерлерді сатып алуға жұмсалады. Үш жылдық қызмет көрсету мерзімі бар 5 мың компьютер сатып алу жоспарланып отыр. 

Интернетке кеңжолақты қатынауды және жабдықты сатып алуды қамтамасыз етумен қатар ақпараттық жүйелерді енгізу бойынша жұмыс жалғасуда, оның артықшылығын ақтөбеліктер бағалап та үлгерді. Мысалы, Білім басқармасының мәліметіне сәйкес, «Күнделік» ИЖ енгізу арқылы мектепте сабаққа қатыспау 2 есе қысқартылды. Бүгінгі таңда облыстағы мектептердің 91,5% жүйеде жұмыс істейді. Оның қызметтерін 17 мыңнан астам мұғалім, 131 мың мектеп оқушысы және 99 мыңға жуық ата-аналар пайдаланады.

Денсаулық сақтау саласына келетін болсақ, бүгінде облыстың аудандары мен облыс орталықтарында орналасқан барлық емдеу мекемелері Интернетке қолжетімділікті 100% қамтамасыз етілді. Небәрі 500 адамға қызмет көрсететін 138 ауылдық медициналық мекемеде бүкіләлемдік желіге қол жетімділік жоқ.

«Жалпы, өткен айда талпыныс бар, жұмыс жүріп жатыр. Бірақ орташа республикалық көрсеткіштермен салыстырғанда, кейбір пункттарда артта қалу бар. Мәселен, мемлекеттік қызметтердің тек 19% электронды түрде ұсынылған. Бұл өте аз. Осындай жағдай, өтініштерді автоматтандырылған қабылдау жүйесімен және бала бақшаға кезекке қоюмен байланысты. Денсаулық сақтау саласында дәрігерге көріну үшін электронды тапсырыс бойынша сұрақтар бар.  Жалпы, дәрігерлер әлі де қағазды толтыруға көп уақытын жұмсайды. Цифрландырудың мәні жұмыстың жеңілдетілуіне және қызметтерді алуды жеңілдетуде», - деп облыс әкімі бірқатар кемшіліктерді атап өтті.

Ол сондай-ақ, ауыл шаруашылығы және тұрғын үй-коммуналдық шаруашылық салаларында цифрландыруды құру жөніндегі жұмысты күшейтуді тапсырды. Ең бастысы, орталықтандырылған деректерді жинау үшін барлық енгізілген және қолданыстағы ақпараттық жүйелерді біріктіру.

Өсіп келе жатқан цифрландыру аясында облыс халықтың цифрлық сауаттылығын арттыруға көп көңіл бөледі. Осы мақсатта ағымдағы жылдың маусым айында облыстың, соның ішінде шалғай елді мекендердің тұрғындарын оқытатын 220-ден астам жаттықтырушы дайындалды. Бүгінгі күні 24 мыңнан астам адам қазіргі заманғы ақпараттық жүйелермен және технологиялармен жұмыс жасауда негізгі базалық білімдерін алды. Ересектерді оқытуға басымдық беріледі.